文詠珊男友飛紐約呵番
藝人文詠珊零下2度穿春裝到紐約出席時裝騷，凍到寸步難行，幸好男友吳啟楠專程飛往當地送驚喜，過一個溫馨浪漫的情人節，即時暖笠笠！
藝人文詠珊（JM）於紐約時間13日出席當地舉行的2018秋冬時裝周，首次參與紐約時裝周的她無懼寒冷穿上春夏裝，衣衫單薄，表面上無懼寒冷，實質已凍僵，她說：「以往去過巴黎同米蘭時裝周，紐約嚟過3、4次，但出席紐約時裝周就係第一次，紐約好凍呀，得負2度，我又着得唔暖，成個人震晒。但今次我有時間去試食新餐廳同計劃去睇音樂劇，都會留幾日。」原以為情人節要獨自度過的JM，開心地表示男友特意飛到當地給她驚喜，與她共度情人節。
與Selena喜相逢
此外，JM與品牌代言人Selena Gomez及品牌設計師合照，同場更有韓國女星朴信惠、混血女模水原希子、台灣名媛孫芸芸及內地演員任嘉倫。JM大讚設計師Stuart Vevers可愛又好人：「佢畀我嗰張邀請卡有好多貼紙，真人好幽默，而且好高。」
文：名人組