李旻芳攻心計冧未來奶奶
今日是西方情人節，拍拖多年的藝人李旻芳（Lucy）及黃耀英（Darren）未有打算特別慶祝，皆因「日日都過情人節」，認真甜到漏！Darren表示：「今年情人節同新年好接近，加上我拍緊新劇，所以今晚會帶埋Lucy同屋企人提早食團年飯。不過冇所謂嘅，最緊要係一齊開心，咁就日日都過情人節。」
適逢農曆新年將至，兩人亦出動辦年貨。Lucy自爆吸取送錯禮的教訓，將送上寓意「發財好市」的髮菜及蠔豉冧男方家長：「有一年我拜年時送咗鮑魚，諗住有誠意又夠體面，點知Darren媽咪腸胃唔太好，唔鍾意食鮑魚，今年有做足功課先買禮物！」講到新年展望，Lucy希望雙線發展主持及演戲，而Darren則望接多啲Job賺「老婆本」。