黃智雯胸口分裂請飲「椰奶」
黃智雯昨日宣傳新劇，為配合「菠蘿椰奶」一角，破格大晒3吋事業線，令早已名草有主的袁偉豪（Ben）「擰轉面」不敢直視，笑言不會讓記者影到他（目及）對方心口！
藝人黃智雯、袁偉豪（Ben）、陳智燊、孫慧雪與郭子豪等昨日出席無綫劇集《三個女人一個「因」》的宣傳活動，平時密密實實的黃智雯罕有以超Deep V黑色上衣示人，相當吸睛！眾人在台上落力玩遊戲之餘，黃智雯與Ben亦趁情人節前夕大開金口，獻唱《小酒窩》。
Ben受訪時笑言不敢直視黃智雯，對方則解釋是配合劇中角色「菠蘿椰奶」：「頭先佢好細心，喺後台幫我睇吓有冇走光。劇入面我係有人格分裂，有三個角色，其中『菠蘿椰奶』就狂野啲。」問到男友有否過目？她坦言只有試衫時睇過：「最緊要靚，平時冇咁Wild嘅！」
接新年檔 無懼影響收視
談及劇集幾經波折終於出街，黃智雯表示非常開心，坦言今次是她從影以來最大挑戰。她又指新劇於農曆新年播出，不擔心影響收視，Ben則表示更注重口碑：「再擔起主角都有壓力。」
另外，陳智燊得悉好友苟芸慧被求婚都非常開心：「只係知佢同男友都好穩定，好恭喜佢哋！」他又抵死地問記者苟姑娘的求婚鑽戒大小，問到是否怕有比較？陳智燊笑說：「呢啲係女士們會問嘅嘢，都係代入角色問。（咁多喜事，今年榮升爸爸？）我會勤力嘅！」
文：音樂組
攝：秦健輝