嫌石詠莉送禮求其 鄧健泓自爆險分手
藝人鄧健泓（Patrick）與石詠莉（Sukie）去年底結婚，二人由2007年相識、相知、相愛至今，Patrick形容對太太仍然「好肉緊」。去年情人節他倆到馬爾代夫度假，今年兩人重遊舊地度蜜月，Sukie笑言：「重點唔係去邊，而係你喺我身邊！」
Patrick坦言二人曾為小事陷入分手邊緣：「試過因經濟壓力，我發自己脾氣，佢當然唔鍾意啦。最無聊嗰次喺佢生日正值聖誕，我悉心準備咗禮物畀佢，點知佢一啲表示都冇，到我出聲嘞，佢就衝落街買禮物畀我，我覺得佢太求其，於是又嘈起上嚟，佢去咗朋友屋企訴苦！」
Sukie不諱言與Patrick拍拖時身邊人認為他「個底花」，初時連母親亦不太喜歡他，但她認為Patrick對感情沒有拖泥帶水，故相信他，並大讚他獨力養母妹，孝順顧家，很值得欣賞。
場地：My Garden