囝囝支持 韋家雄狗年做老襯

2015年底勇奪台慶最佳男配角殊榮、現年52歲的藝人韋家雄，與圈外女友Keynes拍拖數月已打算結婚，而家雄的26歲兒子都戥父親開心。對此，家雄接受訪問時坦言：「希望今年完成啦！大家都有共識，想快啲。（做乜閃婚？）我年紀都唔細，啱嘅就快同慢都冇所謂，最緊要大家啱，都係一世嘅事。」問會否大排筵席，他說：「未Plan，但大家意願唔想好隆重大搞，可能搞西式Party咁，婚紗同裙褂都會照着，女朋友都想着裙褂，希望今年完成到，大家都向住呢個目標行緊。」