「處女黨」成員鍾嘉欣、李亞男、王君馨、岑麗香相繼結婚，嘉欣更已是一女之母，現時「處女黨」正式解散，要重組為「索爆人妻團」。
昨日苟芸慧（Christine）宣布喜訊，亞男當然戥她開心：「我哋等佢呢日等咗好耐，都好Surprise『姐夫』會突然同佢求婚，希望Christine同佢個白馬王子幸福快樂，早啲生番個可愛嘅BB！大家口中稱嘅處女黨全解散，索爆人妻團終於人齊！」而君馨說：「佢哋真係好夾，一齊環遊世界、一齊賽車！」她表示Christine十分喜歡小朋友，抱着嘉欣的囡囡已母愛氾濫，故希望她早日生B。嘉欣亦祝好友開心、甜蜜，而香香坦言很期待為Christine籌備婚禮：「我哋都去到人妻呢個階段，睇到相都覺得佢哋好Sweet。」
另外，歌手關心妍的囡囡楊榮心是陸漢洋契女，昨日關心妍受訪說：「老公當年搵咗陸漢洋做伴郎，知佢同苟芸慧結婚，祝佢哋長長久久！心心都好開心有契媽錫。」