陳展鵬再踏舞台孖葉童鬥戲

陳展鵬表示多年前曾與葉童合作。

陳展鵬、葉童、莊思敏、莊思明、薛家燕、蓋鳴暉、導演劉偉強及李居明等，前晚到新光戲院出席《大迷信3潮爆開運王》首映暨新光Super3三面廳影院開幕儀式，李居明透露三面廳影院投資過千萬：「係全東南亞首個三面廳影院配杜比7.1音響，嚟緊會喺美國引入相關電影播放，我同大業主已經續租到2022年，希望再傾多3年，等我哋發展！我冇諗住賺錢，旨在推廣香港娛樂文化，戲票亦相對平。嚟緊會喺度搞兩套話劇，其中一套改編自馬龍白蘭度名作《慾望號街車》，由葉童同陳展鵬主演。」

融入單文柔家中

被委以重任的展鵬說：「我同葉童好多年前合作過電影同舞台劇，我有十幾年冇演舞台劇，演舞台劇要花比較多時間，希望無綫方面肯放人啦！」葉童表示若落實的話，她將扮演抑鬱症患者。

單文柔	李居明與蓋鳴暉齊齊出席首映禮。

至於展鵬女友單文柔昨日現身無綫節目《今期流行》開鏡拜神，並表示情人節要開工：「未知收幾點，依家冇計劃。（年初二陪展鵬去馬來西亞？）唔會，新年陪屋企人，佢嚟緊比較忙，要搵真銀。（拜年見家長？）屋企人都識佢，覺得佢幾正面同開心！」

文：影視組