掛住好爸爸外表的「大眼佬」，一直以來形象正氣，拍嘅電影、電視劇都以正派為多，近年更備受大台力捧，不時擔正男一演出。「大眼佬」出道以來都冇乜緋聞，跟太太被形容為恩愛夫妻，但原來人前人後兩個樣，真係令人估唔到。
話說「大眼佬」早前做宣傳，接待嘅人話佢完全冇禮貌，對人唧都唔笑，個樣仲Cool到好似全村人得罪佢咁。初初以為佢心情唔好先擺款，但工作人員喺背後唱佢，原來佢私底下根本就係咁嘅人，連普通打招呼「Say Hi」、「Say Bye」都當睇唔到，當大家透明咁。其實佢自己都有小朋友，咁樣點教自己啲細路呢？
