游學修唔識氹女情人節冇驚喜
藝人游學修、盧海鵬、盧巧音、盧慧敏及Super Girls成員Yanny等，前晚在荃灣為ViuTV拍攝劇集《仇老爺爺》。被揭與網絡紅人兼英皇新人曾樂彤拍拖的游學修，竟然忘記將與女友共度首個情人節，他笑說：「係喎，唔講都唔記得，點都要做啲嘢嘅。驚喜就唔會喇，呢方面唔叻。」他自稱公私分明，不會邀女友演出。
日日被「試咪」
游學修於劇中演「廢青」，除了與「爺爺」盧海鵬大鬥法，又要與Yanny及盧慧敏搞三角戀，加上兼顧監製及導演工作，問到會否辛苦？他笑說：「都有啲吃力，但係同鵬哥合作過之後咩挑戰都克服到，好似一嚟就考個最難嘅棍波車牌咁。其實係我搵鵬哥，好難搵到一個寸得嚟又好睇嘅演員，當然Keep住日日畀鵬哥『試咪』啦！哈哈。」
Yanny重拾青春
Yanny坦言與游學修沒有咀戲，並指拍劇時重拾青春感覺，因為經常着短裙，幸好拍攝時沒有冷親，反而煞科才作病，又稱會與男友睇戲食飯慶祝情人節。
另外，林家棟特意前來探盧海鵬班，他笑說：「簽咗鵬哥所以嚟探班，睇吓我老闆有冇咩投訴？」鵬哥笑說：「投訴都吞咗啦！冇，都拍得好好。」
文：影視組