16歲扮嘢片重現陳山聰：女友笑到死
陳山聰、沈卓盈、張名雅等昨日於將軍澳電視城出席「big big channel大台寶藏」記者會，大會播放歷來不同節目的經典片段，包括謝霆鋒小時候一家四口拜年、陳山聰於1992年扮其他藝人比賽的片段。山聰表示找了片段很多年：「嗰時16歲，係我入行前喺娛樂圈第一個露面嘅演出，感覺幾好笑同得意。（有冇畀女朋友睇？）有，佢笑到死。」當時未有勝出比賽的他，現在睇片有好多回憶，覺得自己好大膽。
沈卓盈獻處女「床照」
沈卓盈於社交網再上載「少婦聯盟」四成員的終極床照，她說今次造型是參考網上照片，與姊妹獻出第一次「床照」，感覺刺激和難忘。問到會否想與姊妹同拍旅遊節目，她連說三聲「想」：「去邊都冇所謂，最緊要我哋四個女仔一齊好玩，觀眾睇得又開心，當然我好想睇啲姊妹再着泳衣。（邊個身材最好？）各有所長，我哋包羅萬有。」而張名雅的兒子下月1歲生日，暫未有慶祝計劃。提到近期流感肆虐，她說會盡量避免帶兒子去人多的地方。
文：影視組