子華自稱「票房毒藥」感激好友打救

黃子華與佘詩曼主演的賀歲笑片《棟篤特工》有多達28位紅星包括楊千嬅、許冠文、張智霖、吳君如、草蜢、蔡少芬、張繼聰等友情客串。自稱「票房毒藥」的子華特別自拍了8分鐘感激片放上社交網答謝好友拯救。

子華原來與千嬅並不認識,他笑說:「我唔識千嬅o架嘛,真係忍唔住問,你做咩嚟幫我哋嘅?好記得佢話因為好玩囉,感謝呢個世界仲有啲咁鍾意玩嘅人。」他又答謝吳君如出力又出錢,客串完還請食飯,又多謝張智霖,並說:「冇諗過咁靚仔嘅張智霖,係會做一樣咁得意嘅嘢。」但子華卻欠下一身人情債,他笑說:「破咗我人生紀錄,從來冇試過一次過欠咁多人欠咁多嘢。」