極寒中等救援梁諾妍感絕望
模特兒梁諾妍（Inez）早前到阿拉斯加參加「冰極長征」慈善跑時，因不敵大風雪及極寒天氣而(手禁)下求救掣，最終決定放棄賽事。昨晚七時，Inez返抵香港，略施脂粉的她看來氣色不錯，並獲父親前往接機。Inez甫踏出機場即與父親擁抱，場面溫馨。
據知她在比賽期間手腳有凍傷，Inez表示現已康復：「嗰陣手指、腳踭同腳趾都變晒做白色，好痹，掂到都會痛，不過依家已經冇咩事。」回想起等待救援的經歷，她猶有餘悸：「嗰陣真係有啲絕望，因為係等得好辛苦，初頭我哋三個坐喺營入面係咁震，後來我自己出去不停地行，但係無論做啲乜都冇辦法令自己暖啲，等得好崩潰。」她稱現在首要是休息調養身體，並承認暫時對極寒天氣都有陰影。