陳蕾隧道夾Band震住唱
歌手陳蕾早前為新歌《娛樂人生》拍攝MV，請來之前一齊跟彭秀慧學戲的同學兼導演Ivan操刀拍攝，在機場附近的一條偏僻行人隧道取景。最記得是拍攝當日天氣寒冷，氣溫不足10度，陳蕾不禁說：「MV入面有阿Tom、MJ同MJ嘅低音結他手朋友，為我友情夾Band演出。佢哋着晒樽領衫、西裝外套，但我就着背心加吊帶裙，見到就知幾單薄，捱住凍咁拍，完全震住唱。」
陳蕾亦感激阿Tom專登租大貨車，運送他的私伙鼓、喇叭及音響器材過來，由下午拍到凌晨四、五點才收工。對於在有限資源製作MV，她坦言：「MV可以見到一啲布置唔係Budget好豐富嘅，但導演將有限資源透過畫面呈現得幾唔錯，我同朋友都好鍾意。」