陳梓欣轉做私家醫生鄧達智舉腳贊成

時裝設計師鄧達智去年與現年44歲的同性外科醫生陳梓欣在港擺喜酒，並計劃今年6月15日在英國註冊為合法伴侶。陳梓欣早前向任職19年的醫院遞辭職信，準備轉做私家醫生：「係機緣巧合，咁啱有人邀請我，1月遞咗信，3月就離任，要兩個月通知。（之前有冇人邀請過你？）都有，不過嗰時想做耐啲。（唔捨得？）同事都好好，公營機構有佢嘅好處，穩定啲，依家去另一個新環境，想喺唔同地方試吓，將來退休回顧番都會好開心嘅。（辭職關唔關結婚事？）同結婚無關，只係私家時間彈性啲，可以畀多啲時間相處，係開心離開，不過都好掛住多年合作嘅同事同病人。」陳梓欣透露計劃當私家醫生至50歲，屆時便正式退休，實踐做無國界醫生當義工的夢想。