溫家偉怕分手情人節送厚禮
「大隻仔」溫家偉日前往欣賞年花感受新年氣氛，他自小在美國生活，每逢新年必定會品嘗外婆煮的賀年糕點，又會大掃除及到親友家拜年。他表示最難忘第一年來港過新年，因父母不在身邊，特別掛念。
談及工作展望，大隻仔希望今年拍更多電影，並想出埠工作增加見識。提到新年前夕撞正情人節，問到怎樣跟新加坡籍女友Sofia慶祝？他說：「要睇大家檔期，希望最少都一齊食吓飯，唔得就後補，睇佢新年可唔可以嚟香港感受氣氛，行吓花市同食香港地道食物。（第一年情人節準備咩禮物驚喜？）未諗，但始終第一年，份禮物應該都要勁啲，如果唔係就拜拜啦。」