荷里活女星奧瑪花曼（Uma Thurman）早前大爆當年拍電影《標殺令》（Kill Bill）時，被導演昆頓塔倫天奴（Quentin Tarantino）「靠害」，導致嚴重受傷。話口未完 ，昆頓被傳媒翻炒15年前接受電台訪問，力撐因強姦未成年少女被定罪的名導演波蘭斯基（Roman Polanski）！
昆頓當時提及波蘭斯基1977年因迷姦13歲未成年少女而被捕，面對六項控罪的波蘭斯基在審判前潛逃海外，昆頓竟同情對方：「佢冇強姦13歲嘅女仔，而係『 法定強姦』 （Statutory Rape）！佢只係同年輕女仔做愛，並非強姦。對我嚟講，當你用強姦呢個字眼，你係講緊同暴力有關……你唔能夠亂咁用『強姦』呢個字，就等同亂咁用『種族歧視』呢個字……佢係同未成年少女發生性行為先有罪。」該訪問於網上瘋傳後，大批網民狠批昆頓「亂噏」，全屬歪理。