Camila單飛有理狠撇初戀男友

Camila在1997年3月3日在古巴哈瓦那東部Cojimar出世，為了追尋歌手夢而在中學時期輟學。雖然她一心追夢，但出師不利，參與歌唱節目真人騷《X音素》（The X Factor）時，以騷靈女王Aretha Franklin名曲《Respect》出戰，但由於電視台未有取得該歌曲版權而無緣在電視上播放。後來她與幾位參賽者組成女子組合再出戰，亦即是Fifth Harmony的前身，最終組合得第三名，並與評判之一的Simon Cowell旗下唱片公司Syco Music簽約，組合發展一帆風順！

合唱歌首首Hit

直至2016年12月中，組合宣布Camila離隊。其實Camila早在2015年11月已有單飛迹象，當時她與加拿大小天王Shawn Mendes合唱，結果大受歡迎。離隊前兩個月，Camila亦與另一男歌手Machine Gun Kelly一齊出碟，更成功Hit咗！《時代雜誌》的網站，曾選她為2016年25位最具影響力年輕人之一。直至2017年，Camila正式推出首張個人大碟《Camila》，結果大賣，更先後在MTV歐洲音樂頒獎禮及iHeartRadio Much音樂錄影帶頒獎禮上獲獎。

再見亦是朋友

贏了事業但卻賠上愛情，Camila曾與小天王Austin Mahone相戀，但拍拖一年後戀情告終！雖然未知分手原因，但有傳二人選擇了事業而放棄了愛情。在電台宣布「分」訊的Camila，當時說：「Hey，Things happen。」雖然做唔成情人，但Austin就曾在訪問中大讚前度：「我有睇佢MV，覺得好有型。佢喺個MV中好靚，仲有演技。佢依家做自己想做嘅嘢，我非常非常為佢驕傲。」而Camila亦曾在訪問中表示從未後悔與Austin拍拖，仲自爆對方是其初吻兼初戀對象。雖然失戀，但Camila仍瀟灑說：「我會搵個第二個嘅，係一個循環。我喜歡『愛』，我對此好着迷。」

隊友不忿 夾計寸爆

Camila在組合Fifth Harmony事業起飛時突然離隊，被眾成員鬧爆。去年，成員們為了報復，在MTV音樂錄影帶頒獎禮上的表演環節中寸爆舊隊友。出場時故意加多一名女Dancer扮成五位成員，該名女Dancer表演時往後跌落台，寓意成員們將叛徒踢走。

Camila受訪時直言有「酸溜溜」的感覺：「講真，真係傷害咗我嘅感覺，我睇嘅時候冇預期到，未有準備。我當時同母親在家中睇，睇完之後兩行眼淚就流下，我當時諗點解要咁對我？」

文：外娛組