馬爾代夫局勢不穩 鄧健泓夫婦蜜月陷險境
藝人鄧健泓（Patrick）及石詠莉（Sukie）日前起程到馬爾代夫度蜜月，兩人安排新春前起行，因Patrick於4月舉行演唱會，之後要忙於籌備，所以一早定好這段時間離港。
但人算不如天算，他倆竟撞正當地爆發政治危機，全國陷入一片緊張狀態。不少好友即短訊問候兩人，Sukie前晚已在Facebook報平安，Patrick亦表示一切安好，叫大家不用擔心：「我哋大前晚到埗，要住一晚酒店先嚟依家呢個Resort，但一到就好奇怪咁見到有防暴警察同水馬擺喺酒店門口，我問過當地人，佢哋話有抗議事件。」
老婆扁桃腺發炎
未料當晚Sukie卻扁桃腺發炎要去醫院，Patrick說：「當時係凌晨4點幾，醫院都冇咩人，我哋好安然睇完醫生攞咗藥就返酒店，第二朝我哋喺酒店出發，見到市中心有警察，但都照上船返機場去Resort，暫時一切正常。」昨日夫婦倆身處馬爾代夫其中一個小島，看似風平浪靜，Patrick說：「啲人好似唔係太擔心，都好有禮貌。（Sukie身體情況點？）食咗藥之後好咗好多，係有啲喉嚨痛，之前扁桃腺發炎會發燒，好在今次帶到佢入醫院。」昨日他上載Sukie的「影後」相，向親友報平安。
文：影視組