70年代影壇「型」警 嘉倫隱居美國

70年代專演警察而為人熟悉的資深演員嘉倫（原名梁嘉倫），80年代離開影壇與太太移居美國，從事車行維修部經理過安穩的生活，據知前年才退休。近日，有一張他跟1975年首部演出的電影作品導演梁普智夫婦在紐約見面的照片，有指兩人甫見面便感動得流下男兒淚。記者聯絡導演梁普智，他指相片是去年11月拍攝，他說：「我哋上年11月喺紐約撞到，大家已經差不多四十年冇見，即刻搵個地方坐低敍舊。（感動到眼濕濕？）佢記番以前啲嘢啫，呢幾年佢因為有老人病，只會記得好耐之前嘅事，尋日發生嘅事就唔記得。（記得你？）記得。」嘉倫現在雖然一頭白髮但精神看似不俗，問梁普智覺得嘉倫改變大不大？他說：「都有小小，始終咁多年無見，都會老咗，同埋佢依家行動唔係太方便！」