遭失控司機趕落車黃美棋：對我生命有危險！

無綫藝員譚凱琪、黃美棋、傅嘉莉、陸浩明、黃瑋琦及高層杜之克昨日在九龍塘出席《網絡紅人喜愛品牌獎》啟動禮。譚凱琪與黃美棋受訪時表示稍後會喬裝神秘顧客到食肆、商店測試店舖質素。美棋碰過不少欠佳的服務態度，尤其是坐車，更自嘲是「的士剋星」和「Call車殺手」，她說：「有次喺山頂做完嘢搭的士返屋企，遇到個唔熟路嘅司機，佢話唔識過海，我哋話用導航帶路，但係去到公路，佢突然間失控叫我哋落車話真係唔識路，仲話係老婆逼佢揸的士，最後我哋要一路安撫佢先成功返到屋企，事關佢情緒激動，對我哋生命都會有危險，之後搭車都有啲陰影。」