情人節冇仔約謝婷婷:我可以自己過

藝人謝婷婷昨日出席手袋活動,提到情人節,婷婷稱仍未有安排:「如果冇安排就會同女性朋友去啲近嘅地方。(冇男仔約?)通常如果情人節冇約定,我會擺女朋友喺第一位。(到依家仲未有男仔約唔心急?)今日幾多號?又唔係過年,我可以自己過。」提到最難忘的情人節禮物,婷婷稱是17歲時在加拿大有追求者派了四名樂手來家演奏,把她嚇呆。

此外,有傳婷婷的父親謝賢與女友CoCo分手,婷婷表示最近CoCo才來港探望謝賢。有指其住所是其兄長霆鋒送贈,她否認:「唔係,個業主係女人名,我係租。(會唔會想置業?)我自己喺香港有一層物業。(有報道講到係哥哥養你?)唔係,我性格好獨立,到呢一刻我都好驕傲唔需要問家人攞錢。」