蕊蕊豉椒排骨掌握「蒸」髓

《星級煮意》新一集請來藝人蕊蕊炮製「豉椒排骨」，自認中菜非強項的她，煮起來有板有眼，原來幕後有個好幫手！蕊蕊特別向家姐求救，專程在場監督提點，她說：「我平時好少落廚，特別少煮中式！今次整呢味餸，其實難度一啲都唔高，最重要有經驗，煮太耐太乾唔好食，唔夠時間又未熟，所以重點係時間要拿捏得好。」

吳綺莉加料醃排骨 鬆晒！

雖然少下廚，但蕊蕊透露較會煮南韓菜：「因為喺南韓住咗一段時間，當時都會煮吓，同埋識啲南韓朋友有教我。（有冇落廚難忘事？）最難忘係成日煮燶嘢！因為我冇耐性，五分鐘都等唔到，成日煮煮吓就走出廚房，聞到燶味先記得煮緊嘢，所以入廚最重要有個鬧鐘提我。」擅煮媽媽菜的「廚媽」吳綺莉表示「豉椒排骨」可謂香港人的家庭菜式，睇完蕊蕊的烹飪手法，她說：「我建議排骨未煮之前加少少生粉同水醃一醃佢，肉質會更鬆同冇咁乾。」

Step 2

Step 3

《星級煮意》邀得陶大宇、黃建東、陳嘉桓、陸浩明與女友、陳嘉佳與朱慧敏等亮相，其他名人藝人會陸續登場，示範不同菜式，又有專家提供煮食要訣，娛樂與資訊並重。節目逢星期四更新，大家可透過東網App或東網網頁收看。

豉椒排骨 食譜

材料：排骨、豆豉、指天椒、糖、鹽、蒜頭、芫荽、葱

1.醃排骨要蒜頭、豆豉、豉油、糖、胡椒粉，醃15分鐘。

2.水滾蒸排骨20分鐘。

3.蒸完後切埋芫荽及葱伴碟，大功告成。

文：名人組

https://goo.gl/bFcJ2g