扮勻武則天夢露李旻芳想做醜女
踏入新一年，藝人李旻芳（Lucy）工作接不停，最近參與無綫新節目《新春開運王》，有望豬籠入水賺到笑。講到Lucy為節目化身「武則天」及「瑪麗蓮夢露」，造型相當特別，她亦大呼過癮：「平時我多數扮演學生同OL，造型方面冇咩特別，唯一試過拍劇集《無雙譜》時要扮一隻蝦，估唔到喺新節目有機會飾演其他角色，仲要畀我試晒古裝同時裝嘅造型，可以過吓戲癮好開心。」
雖然忙到冇停手，但Lucy自言愈忙愈滿足，更透露新一年想挑戰演醜角：「可能大家都覺得我係比較正經同保守，其實我可以為演戲而唔顧形象。（有咩角色想挑戰？）特別想做醜女角色，想試吓演得好放嘅感覺，希望有朝一日會演到！」
