生仔揀朝早！黎諾懿教香香造人秘訣
無綫藝員岑麗香、黎諾懿與兒子「小春雞」黎峰睿昨日在又一城出席賀年活動，「小春雞」在台上牙牙學語，相當可愛。黎諾懿更即席向岑麗香傳授生仔秘訣：「生仔就揀朝早，兩個都係最精神、最活躍，生女就夜晚。」問到希望生仔還是女？岑麗香說：「仔女都冇所謂，今時今日男女都一樣。」又指對生B不欲多談：「講太多以為我有咗，唔講又以為我唔想生，生或者唔生最好就係冇壓力，順其自然。」
首次帶兒子出席活動的黎諾懿表示：「過年可以帶小春雞去賺錢(豆)利是，佢賺錢叻過我細個，遲啲養埋爸爸，咁爸爸就可以全職照顧佢。（會唔會畀個仔拍嘢？）拍嘢就唔好，因為太辛苦，出席活動或者廣告就可以，依家流感犀利，錄影廠又多菌，如果佢病咗我老婆會殺咗我。」他又揚言希望在明年的豬年追個女，兩個夠晒數。
