林作曼谷徬徨搵飛機 轟國泰安排亂

林作早前與公司同事去泰國度假數天，見他連日來於社交網站上載的相片都好開心，而他因工作要先行返港，豈料於曼谷機場遇上人生最驚心動魄的乘搭飛機故事！昨日他發文表示上星期六原定乘坐國泰航空CX702返港，但因收到電郵及訊息指飛機會延遲約兩小時，所以決定遲兩小時去機場，但去到機場發現資訊板沒其航班，Check-in櫃台更已關閉，令他十分徬徨。

問職員都冇用

他寫道：「想衝去國泰Counter問，連國泰標誌都搵唔到。最終喺個超細嘅牌仔搵到，點知完全收咗檔。即衝去Information問，個泰國人員態度幾不屑咁答飛機延誤，唔代表你可以延遲Check-in，Check-in時間唔會延誤，你已經錯過咗。」

他更指：「我以我大律師訓練可以肯定咁講，國泰個SMS同Email嘅講法，係擺明冇講Check-in時間不變。其發出通知目的，除非特別註明，則必定係話你知唔使咁早去機場。」幸而他有預先於網上辦理登機手續，成功取得機票，但最終其中一個大行李未能上機，要另一班同事幫手拎上機，而且入閘後因在資訊板找不到航班資料，問職員後又不得要領，令他大為不滿，甚為狼狽。

失望兼夾震驚

林作透過電話回覆本報：「今次係我史上最『呢Hea』嘅搭飛機經驗，我有個行李太大上唔到機，仲要見唔到航班資料顯示，我以為取消咗，問咗好多人先知班機仲喺度。我咁大個都未試過搭飛機會咁混亂，我真係好失望，甚至係震驚，曼谷咁大個機場咁多人，唔係小島都搞到咁，嚇死！」而國泰航空則回覆指正了解事件。

文：名人組