荷里活著名女星狄高達莊遜（Dakota Johnson）憑賣座情慾片《格雷的五十道色戒》（Fifty Shades of Grey）系列上位，她與英國樂隊Coldplay主音Chris Martin正打得火熱。她的明星老竇當莊遜（Don Johnson）上周被問及狄高達的新戀情時，開玩笑指二人關係「好麻煩」。
他日前再受訪，認真談論女兒的戀情，自爆與Chris見過面：「佢係一個可愛嘅男仔，我同佢見過面，無論咩情況，你都想你嘅小朋友開心。佢係一個非常有才華同天賦嘅音樂人。我喺洛杉磯一個小型場館舉行嘅演唱會上見到佢哋，呢個係難忘嘅時刻，我知道佢會對狄高達好。」另外，狄高達前日穿黑色吊帶裙亮相清談節目宣傳。