格林美音樂獎舉行前，網上掀起批評頒獎禮忽視女性的「#GrammysSoMale」（格林美男人玩晒）風潮，格林美主席Neil Portnow於頒獎禮後呼籲有才華的女性「行出嚟」，卻被美國女歌手Pink在社交網Twitter上載手寫回應，嘲諷他講廢話：「樂壇女性唔需要『行出嚟』，女性喺一開始已經行緊，行出嚟，又行埋一邊。女性今年佔領咗樂壇，佢哋殺晒，今年之前每一年都係。我哋慶祝同致敬女性嘅才華同成就，同埋每年排除萬難行出嚟，我哋可以向下一代嘅女人、女仔、男仔、男人展示，點樣係平等，點樣係公道。」