林小美化身學生妹冇人撩

日本東京近日罕見暴雪，多處交通嚴重受影響。模特兒林小美（Cherry）早前孖好姊妹到日本旅行，慶幸出發時天氣轉好，令行程能順利進行。除了四處觀光外，Cherry穿上傳統和服化身「日本妹」，笑言在當地未有艷遇：「只係間中有人認錯咗我係日本人，試過畀遊客問路，或者有當地人猛咁同我講日文！」
林小美着起和服又真係幾有「瀛」！
林小美着起和服又真係幾有「瀛」！

Cherry又到日本著名漫畫《男兒當入樽》的「取景地」鐮倉朝聖，特意穿上校服重現當中的經典場面，她說：「其實睇漫畫嗰陣已經好想去，今次終於有機會朝聖！我學足漫畫人物咁着上日式校服，喺同一場景影相留念，真係好感動！」

林小美扮學生妹，重現漫畫經典場面。
  • 林小美扮學生妹，重現漫畫經典場面。