姊妹爭仔割席？JW否認唔妥G.E.M.

歌手JW（王灝兒）昨日到電台宣傳新歌《維多利亞》，提到新歌與鄧紫棋（G.E.M.）的《Victoria》撞名，JW說：「佢係英文名，我係中文名。佢有Send Message畀我，話咁搞笑咁都撞到。」講到有指JW前度正是G.E.M.的現任男友Mark，故有傳兩女不和，她否認：「唔係，佢忙做Tour，我之前又忙做演唱會，我哋不嬲都唔係成日見。（幾耐冇見？）真係好耐。（自佢拍拖後就冇見？）其實之前都冇乜見。」問到G.E.M.拍拖可有影響兩人感情？她說：「冇乜特別，最緊要大家開心。」問到男友Tarzan對她之前的演唱會畀幾多分？她即冧笑說：「多過100分，我幫佢答。（係讚你定演唱會？）我同演唱會都係。」