寒天畀靚女淋水林作嗌爽

前大律師林作不時有靚女埋身，近日天氣嚴寒，他被靚女用水照頭淋，難得仍然叫爽！林作將該短片上載社交平台，事後接受電話訪問時解釋將會演出一系列短片，淋水是其中一幕，他還要一人飾演兩個角色：「一個係乖仔被曳女仔呃，一個係衰男被好女仔潑水，我扮奸人堅，係鹹濕角色，我本身係雙重人格，兩邊都好適合我，駕輕就熟冇乜難度。（畀人淋水有咩感覺？）我人生中第一次畀人淋水，感覺好爽。」