廖偉雄一蚊客串畀女圍

藝人廖偉雄（阿燦）日前客串李思捷自導自演的賀歲片，在辦公室內與多位三點式性感美女做對手戲，甚有艷福！闊別銀幕17年的阿燦說：「本嚟拒絕復出，實在冇時間，唔想分心拍戲影響農場嘅工作，後來思捷專誠到我喺廣州花都嘅農場搵我，誠意十足，想推都推唔甩，但我事先聲明，得一日檔期可以拍攝。」
廖偉雄一埋位「嚟料」，同班水着女鍊過！
廖偉雄一埋位「嚟料」，同班水着女鍊過！

問到酬勞是否吸引，阿燦坦言收一蚊酬勞都會拍：「錢，大家都未傾，我依家唔係靠演藝行業搵飯食，多少唔係重點，畀一蚊又好，唔畀都好，我當玩吓客串冇所謂。」

廖偉雄被李思捷誠意打動復出客串。
  • 廖偉雄被李思捷誠意打動復出客串。