爆曹永廉秘藏壯陽菜 蕭正楠：依家食都冇用！

「孖寶兄弟」蕭正楠與曹永廉昨晚繼續在慶功宴上瘋狂鬥嘴，提到蕭正楠憑節目《Do姐再Shopping》奪「最佳節目主持」，曹永廉即忍不住說：「最開心係佢行錯咗好多年，依家終於發現到做主持先係最好。」令蕭正楠沒法還擊：「係咪即係以前歌都唔好唱，一入行就做主持？不過今次真係掹車邊，主要都係嘟姐（鄭裕玲）同農夫功勞。」問到日後兩人會否再合作，兩人指稍後會拍攝節目《兄弟煮廚》，或會出埠開工，其中蕭正楠笑指曹永廉屆時會向觀眾傳授另類菜式：「佢會分享啲壯陽菜式，佢以前食開！雖然依家再食都冇用，但係佢都會將自己嘅經驗同大家分享。」令曹永廉哭笑不得。