去年榮升視帝的苗僑偉，昨日拍攝撞車戲親身上陣，不過辛苦有價，太太戚美珍及曾合作的袁偉豪前來探班，放假中的袁偉豪笑言正享受生活，特別是享受感情生活，還大方談及女友張寶兒。

苗僑偉昨日到九龍灣與許紹雄等為邵氏新劇《守護神》拍攝一場撞車戲，去年他在《TVB馬來西亞星光薈萃頒獎典禮2017》中榮升視帝後，對演出依然充滿堅持，毫不錫身親身上陣拍攝撞車戲，只見苗僑偉倒臥在四輪朝天的的士內，畫面驚險！

受訪時，苗僑偉被問到拍這場撞車戲有否遇上危險？他笑言：「有咩驚險？都係架車驚險，個人冇事嘅，最多都係喺架車裏面碌嚟碌去囉！」拍攝時其心情相當不錯，原來好友袁偉豪及太太戚美珍、樂易玲等前來探班，加上完成這場戲後新劇便告殺青，一身鬆晒的他還與劇組影大合照，開香檳慶祝！

與苗僑偉、許紹雄在《使徒行者2》中合作的袁偉豪（Ben），特意探「卓Sir」及「歡喜哥」班，並上載合照說：「探訪歡喜哥，卓Sir。」放假中的Ben正享受生活，到3、4月再開劇。前晚他與女友張寶兒在節目中同場，他除了任表演嘉賓，更隔空為擔任司儀的女友打氣。被問到是否精通魔術氹女仔？Ben笑說：「呢方面我唔得嘅，但唔代表我冇其他優點喎，好似生活品味、顧家啦、識得煮飯、沖靚咖啡咁。」

Ben又指近年個人生活及感情生活都轉變好多：「事業、感情、人生經歷各方面囉。以前我係小鮮肉，依家可以話係半生熟。（新一年有咩願望？）依家租樓，想今年內可以置業，寶兒好有投資心得，我玩車點蝕少啲都問佢。（買樓加埋佢個名？）睇吓我買到幾多層，最好一層媽媽、一層佢、一層自己，睇吓大家發展落去係點囉。」

文：影視組