萬綺雯煲靚湯箍老公

藝人萬綺雯昨日到沙田出席「一田 x Magic Living」活動，並親身示範煎年榚，她說：「我啱啱喺內地做完舞台劇返嚟，都未有時間辦年貨，不過每年新年我都會煎年糕應節。（新年唔會節制，盡情大吃大喝？）其實我平時都冇節制。之前我同歐陽震華比試，嚟緊半年，佢要由鯨魚線練出人魚線，我就練出馬甲線！」
萬綺雯表示每年農曆新年都會煎糕應節。
萬綺雯表示每年農曆新年都會煎糕應節。

情人節將至，問到她可有計劃與老公慶祝？她說：「嗰段時間就嚟過年，我諗同佢一齊留喺屋企執屋，就係我哋嘅情人節慶祝節目！（平日有冇同老公玩吓煮飯仔？）佢太忙，經常開會開到好夜，如果我開工，都好難就到一齊嘅時間，唔好話煮嘢食，一齊食飯都難就，不過佢就好鍾意飲我煲嘅湯！」

萬綺雯呻老公是大忙人，平日少有機會玩煮飯仔。
  • 萬綺雯呻老公是大忙人，平日少有機會玩煮飯仔。