舒淇等敏感康復發力追B
影星舒淇前晚出席《無國界醫生電影節2018》開幕禮，寄望透過電影及紀錄片讓更多人關注及了解該組識的艱辛，更指儀式前已觀看了有關片段，卻令她忍不住流淚。問到若被邀拍攝影片，可會挑戰醫生角色？她說：「都會，但會難受，因為唔可以喊，但內容好多嘢好煽情，喊會有反效果。」
休養期唔Mind當媽
早前受皮膚敏感困擾而宣布暫別幕前的她，表示已康復了7、8成，但病情仍然反覆，問到可找到發病源頭？舒淇坦言因長時間休息不足，導致免疫系統出問題，但相對於影片中提及的疾病，自己現時所承受的病痛，實在微不足道。至於何時復工？她笑說：「我休息咗兩個月咋喎！過埋個夏天先啦。（外界以為你去生B！）有嘅話都冇所謂，順其自然啦。（老公馮德倫都得閒？）還好。（你哋調理好身體就生B？）係囉！要個敏感好番先，天氣凍就唔易發，如果熱天都冇發嘅話就即係冇事。（咁咪可以開始造人？）咁都有好多嘢做嘅。」
新年唔得閒外遊
問到農曆新年期間，可會孖住老公外遊？舒淇表示不會，更說：「我依家係有家室嘅人，要返兩個屋企，都好忙o架！（情人節會唔會慶祝？）冇所謂，開心嘅話日日都係情人節，不過都會返去諗嘅！」
文：影視組