新歡舊愛同場！坤坤黐實薛家燕拒與Aka合照
藝人汪明荃、曾志偉、吳業坤、薛家燕、女子組合Super Girls成員趙慧珊（Aka）和何遠東等前晚錄影無綫節目《吉祥金犬耀保良》。吳業坤早前與薛家燕到台灣拍攝《新春辦年貨》外景時傳緋聞，加上舊愛Aka，「新歡舊愛」狹路相逢！當記者要求合照，吳業坤與薛家燕大方應承，薛家燕更坦言沒所謂；但當要求兩人與Aka合照，吳業坤卻即時拒絕，Aka亦顯得避忌，最終未有合照。對於新歡舊愛同場錄影，吳業坤受訪時搞笑說：「兩個都係緋聞女友，幾好呀！咁咪介紹大家認識！」
何遠東唔吼細細粒
吳業坤和何遠東於2014年台慶上扮棋後，現時終捱出頭，事業發展均不俗，問到今次重遇可有感觸？吳業坤指二人不時見面，何遠東更笑言在對方身上學到很多，問可想似吳業坤多緋聞？他笑說：「同薛家燕嗰啲呀？我叫家燕媽媽，唔敢叫姐姐。有緋聞都係好事，唔好太多。」何遠東又自言單身，問到喜歡哪類型女生？他說：「細粒。因為我自己佔咗好大張床。」記者笑問是否喜歡「細細粒」陳嘉佳，何遠東即抗拒說：「唔好啦！啲床出到King Size咋。」
至於汪明荃重提「山頭文化」言論成熱話一事，她說：「我呢啲隨心講，我喺呢間公司成五十年，係自己想講嘅嘢。（公司有冇微言？）冇，話多謝我。」問到曾志偉是否認同汪明荃的言論？他說：「佢講嘅嘢點能夠唔認同？係佢先講得到，因為第一佢嘅地位，第二佢喺無綫咁多年，咁了解公司。」
文：影視組