林子祥任賢齊亞視啟播振Sing威

亞視的啟播典禮明日舉行，會有多個直播表演節目，梁思浩、陳彥行、李麗蕊等將表演打鼓舞獅；林子祥、任賢齊、韓星南太鉉等則擔任表演嘉賓，星光熠熠。

邀兆尊祥嫂上節目

梁思浩等人昨日到大埔總台排練，領軍的思浩坦言練習不足，有點跟不上節奏，陳彥行說：「我哋呢組出席率最高o架，但冇次人齊，大家都忙，我就次次都嚟。」思浩曾表示會請鄧兆尊及與其傳不和的母親洪金梅（祥嫂），在其新節目《今晚見》中拆局，但有指兆尊以不想將家事公開為由拒絕，思浩說：「唔講家事，講私事囉！個個都約緊，通常一個肯另一個就唔肯。（兆尊定祥嫂唔肯？）陳彥行會喝兆尊上嚟！祥嫂就會有人同佢傾，就新年喇，上嚟食餐團年飯！」

林子祥和任賢齊在亞視啟播典禮中擔任表演嘉賓。

陳彥行（左起）、梁思浩、李麗蕊和李志剛綵排打鼓。

最重要沉着應戰

另外，亞視重頭節目《百萬富翁2018》昨日在深水埗舉行公開招募參加者活動，節目目前已收到過萬名市民透過手機App報名。擔任主持的陳志雲到場支持，他表示將在啟播禮中與吳雨、何守信等合作大談電視風雲。當日亦會有準參加者到亞視總台面試，問到有何貼士？陳志雲說：「有錦囊係問朋友嘅，會令你重新定義咩係朋友，之前王喜參賽叫咗朋友撐場，點知朋友等到5、6點都冇電話，原來王喜冇用到錦囊，所以大家最緊要沉着應戰，起碼用錦囊過保險線，睇機會唔識答就拎錢走。」

文：影視組