周慧敏老公撐場黃凱芹拖實示威

周慧敏大晒美腿，老公倪震都話靚！

「玉女掌門人」周慧敏一連四場《一萬天荒愛未老．周慧敏30週年演唱會》前晚開鑼，邀得黃凱芹（Chris）擔任嘉賓，當年有傳Chris與倪震爭Vivian，前晚Chris就當住倪震面前與Vivian拖手冧唱《情未了》等經典歌。Vivian指雙方相識30多年，但沒有Chris的電話號碼，笑問對方可有智能電話，Chris說：「有，但淨係同家人WhatsApp，你又唔做我家人。」觀眾即時起哄。Vivian又指與Chris的媽咪關係幾好，Chris則笑言周媽媽經常向其母讚他：「讚我樣又好、人品好，最緊要係對老人家好，但冇法啦，你阿媽對我幾好都係廢(o既)，可能你記仇，第一日見面你畀我鬧過，呢啲就係韓劇角色，男主角好火、女主角好靚，但永遠修唔成正果。」言談間似有所暗示。Vivian又指與Chris最近才重新聯絡：「知佢需要有自己(o既)空間，但當我最需要佢(o既)時候，佢就會企喺我身邊。」

晒美腿被抬起

全晚另一高潮位，是自1994年後，Vivian、王馨平（Linda）及湯寶如（湯記）終合體唱《美少女戰士》，令全場High爆！Vivian表示希望60歲時再合唱，Linda說：「你哋夠膽聽，我哋就夠膽唱！」期間湯記讚露腰的Linda身材好，Linda搞笑說：「你都有條事業線。」Vivian全晚先後換上多套性感歌衫，跳唱《自作多情》等作品時，身穿短裙露長腿的她被男Dancer摸玉腿及抬起，相當誘惑。

倪震	周慧敏被猛男舞蹈員抬起。	黃凱芹笑指周慧敏不願做他的「家人」。
「你你你快跪下~」王馨平、周慧敏、湯寶如「美少女合體」，喚起歌迷不少童年回憶。	周慧敏換上透視性感戰衣。

文：音樂組　

攝：鄭家俊