林敏驄射李思捷「鼠眼」

藝人李思捷、狄龍、蘇玉華及林敏驄等，昨日到荃灣宣傳新片，貪玩的阿驄用玩具槍射李思捷屁股，笑說：「射佢『鼠眼』，佢蛇頭鼠眼！」又用顏色筆畫花蘇玉華的面，當聽到狄龍背誦諸葛亮《誡子篇》時，他又說：「我同大家分享李思捷《(界)女篇》！」全程搗蛋！
蘇玉華同思捷拗腰挑戰情侶瑜伽動作。
蘇玉華同思捷拗腰挑戰情侶瑜伽動作。

而狄龍多謝李思捷，他說：「我見到年輕人近日喺大學裏面嘅問題，所以我將《誡子篇》印出嚟，送畀在場年輕人，希望佢哋研習吓！我之前同導演李思捷講，不如將《誡子篇》融入戲入面，佢採納咗。其實我都被思捷感染，變得好歡樂，頭先喺台都唱咗兩首歌！」思捷則說：「狄龍好玩得，合作好愉快！（福祿壽個Show預埋狄龍Jam歌？）Jam唔Jam歌都係其次，已經約咗佢一定要嚟睇！」

阿驄搵思捷做靶，仲教人專攻「鼠眼」！
  • 阿驄搵思捷做靶，仲教人專攻「鼠眼」！
阿驄（左）同狄龍都有玩埋一份。
  • 阿驄（左）同狄龍都有玩埋一份。