梁朝偉留期 情人節等老婆約
影帝梁朝偉昨日現身鬧市宣傳新片，大批市民湊熱鬧，同時吸引星級粉絲埋身集郵。偉仔正忙於為奧斯卡頒獎禮投票狂睇電影，預告會在港度過農曆新年，雖然將與太太劉嘉玲在賀歲檔電影打對台，但他亦會捧場，更表示待嘉玲開口邀他出席情人節首映。
梁朝偉昨日為賀歲片《捉妖記2》現身鬧市宣傳，片中兩位主角「胡巴」及「笨笨」也有亮相，還不停跳跳紮，非常可愛，而現場有一個3米高的巨型胡巴造型氣球。活動吸引大批市民圍觀，藝人莊思敏、郭思琳及趙哲妤等星級粉絲亦專誠捧場。由偉仔上台一刻開始，台下眾人已不停拿起手機狂拍，又跟台上的偉仔隔空合照，認真誇張！
新年後夫妻檔滑雪
闊別15年再演古裝喜劇，偉仔大感高興，飾演「電眼賭徒」的他透露以往新年都會打麻雀，而每次只玩一、兩分鐘。提到以剷青新髮型亮相，他笑指全因方便打理及運動：「我鍾意滑水、滑雪，好怕中間停低食嘢要除帽，搞到頭髮扁晒。」並透露剛在北海道滑完雪返港，由於太太劉嘉玲忙於工作，故未有同行，預料農曆新年後才會一起再出發滑雪：「好耐冇喺香港過年，年年都去咗滑雪，咁媽咪又去唔到雪地，驚佢跣親，所以喺香港過完年先再去。（情人節都喺香港？）應該都會，但就冇特別準備禮物。」
為奧斯卡瘋狂煲片
談到嘉玲近日監製新片，偉仔表示還未有時間捧場，皆因二人將參與奧斯卡頒獎禮投票：「奧斯卡寄咗60、70套戲畀我睇，有啲戲我又想喺大戲院睇，一日最多睇到3套咋！（嘉玲睇晒啲戲未？）佢肯定未，咁忙。」對於夫婦二人將在賀歲檔電影打對台，偉仔表示印象中是第一次：「我都好耐冇拍賀歲片，不過我都會去睇佢監製套戲。（嘉玲話吳肇軒好似你！）似我冇用啦！不過我未見過，只知佢係新人，主要係睇嘉玲拍成點。（嘉玲有另一套戲喺情人節首映？）如果佢邀請我就去啦！」至於擔任活動司儀的譚玉瑛否認已婚，表示現階段一切滿意及開心。
文：影視組