蝙蝠俠要請人，占士邦都要請人！英國男星丹尼爾格力（Daniel Craig）預計今年拍攝新一集占士邦後會卸任，上套邦片《007：鬼影帝國》（Spectre）剪接師Lee Smith受訪時表示睇好英國男子組合One Direction（1D）成員Harry Styles有望接棒做年輕版占士邦。
Harry曾於盛傳將執導邦片的英國導演基斯杜化洛倫（Christopher Nolan）電影《鄧寇克大行動》（Dunkirk）演出，兩人有機會再度合作。Lee說：「Harry真係好好，佢能夠繼續行呢條路。佢係一個奇才，對住鏡頭好自然。你會以為你對住一個有好多年演戲經驗嘅人。你永遠唔會知道呢部（《鄧》）係佢首部電影。」