薛家燕鎖好房門 怕吳業坤夜闖

藝人薛家燕、姜麗文、王梓軒及李家鼎昨日到油塘出席農曆新年活動,薛家燕表示狗年旺她,最近曲奇生意愈做愈好,兒子又將於6月舉行婚禮,計劃擺酒擺兩日。她表示日前到台灣開工,同行的吳業坤勁冧自己:「佢好細心成日問我飲唔飲嘢,仲直接叫我家燕,佢仲話可能夜晚嚟我酒店房傾劇本,我話第日先傾啦!我夜晚會鎖門,驚佢半夜太熱情嚟搵我!咁佢係好Nice又好幽默嘅。(怕唔怕傳緋聞?)唔好啦!笑死咩!我生得佢出!」

姜麗文表示家人偏向北方人習俗,每年都會到親戚屋企拜年,與父親秦沛、叔叔姜大偉、爾冬陞等享天倫樂。講到爾冬陞近日承認育有一名兩歲女兒,姜麗文說:「最緊要開心健康,我哋係大家庭嘛!(同BB玩過?)有見過,但唔多講喇!叔叔都低調。」