袁嘉敏登台賺人仔夠置業

藝人袁嘉敏與筱靖等前晚到九龍塘出席首映禮，低胸示人的袁嘉敏說：「睇我個樣可能唔覺，但我已經三日冇瞓，呢排頻頻返內地出席商演、登台唱歌。收入唔錯，都有置業計劃，睇咗啲兩百幾呎嘅樓，覺得好細，唔知點裝修，想睇番啲三、四百呎嘅單位。（唔再拍戲？）我想拍，之前都有戲搵我，但要裸露，推咗，嚟緊睇吓有冇適合嘅劇本，我都希望再拍戲。」