張家輝打爛仔交畀小齊糟質
張家輝和任賢齊（小齊）主演的新片前晚煞科，小齊指兩人有大量動作場面，更大讚被圍毆的家輝是「拚命三郎」！問到兩人有否傷及重要部位，小齊即秒答冇，令家輝忍不住搞Gag：「（小小齊）冇咗喇！」場面搞笑。
影星張家輝、任賢齊、陳家樂和楊紫等，前晚在啟德郵輪碼頭出席新片殺青儀式。提到家輝和小齊相隔14年再度合作，家輝坦言雙方了解更多：「小齊個人不嬲都好好，好順得人。今次再合作大家了解多咗，喺電影上互動同溝通係成熟咗，拍戲時都會舒服。」
重要部位冇咗？
飾演偷屍奸角的小齊，指自己在戲中多動作場面，但比起家輝則較為舒服：「我哋三個賊輪住打佢，佢要打爛仔交，有時佢都要硬食我一拳，有場戲佢要用腳撞玻璃，我覺得家輝係『拚命三郎』。仲有場我要掟佢落台，之後佢要嚟多Take，我都唔好意思。」家輝亦大讚小齊同樣搏命。問到兩人有否受傷？小齊說：「都有。（傷及重要部位？）冇。」一向幽默的家輝聞言即忍不住說：「冇咗喇！冇咗喇！」非常搞笑。
楊紫首拍港產片
而來自內地的楊紫，坦言首次拍攝港產片感覺奇妙，視家輝為偶像的她指開工期間發現對方似足小孩子：「他很天真，對每個人都很熱情，會跟我說話同開玩笑，覺得他非常友善。」
至於電影《虎膽龍威2》（Die Hard 2）的荷里活著名動作導演雷尼克林（Renny Harlin）直言來港開工感覺特別，因自小愛看港產片。他亦大讚家輝是全世界最好的男演員：「我覺得很幸運，佢鍾意我哋個劇本，希望將來再有機會合作。」
文：影視組