陳雅思被兜頭淋濕身狼狽
無綫藝員歐陽巧瑩、陳雅思與阮兒等分別晒腿、露肩或騷腰出席宣傳活動，熱褲襯白衫上陣的歐陽巧瑩更玩濕身遊戲，不怕違反無綫「限奶令」，而陳雅思則被水淋，顯得狼狽。
歐陽巧瑩、陳雅思、阮兒、伍樂怡、陳詩欣及鄧以婷等昨日在觀塘為節目《3日2夜》登陸翡翠台宣傳。雖然時值冬天，但歐陽巧瑩穿熱褲晒腿、伍樂怡露肩裝、陳雅思入膊上衣騷手臂、阮兒則騷纖腰，眾女各有各性感。
穿上白恤衫及熱褲的歐陽巧瑩，無懼要玩濕身遊戲，並表示已穿了泳衣打底，做足安全措施。問到性感打扮會否違反公司的「限奶令」，她笑說：「唔會，公司畀我哋嘅自由度好大，指引其實係等我哋可以拒絕一啲唔願意嘅要求，好似唔想着泳衣可以出聲，平時就冇乜限制。」問到藝員未婚夫林師傑會否限制她的打扮，她笑說：「佢話靚就OK，佢知我怕凍，反而提醒我唔好着到好似隻糉咁。」
冰天雪地拍節目
現場女藝員分成兩組玩踩單車淋水遊戲，歐陽巧瑩、陳雅思、伍樂怡輸了被水兜頭淋，陳雅思最勇未有用雨衣笠頭，結果淋得秀髮濕透。她表示事前不知要玩濕身遊戲，笑言被淋時感到很突然。提到早前到濟州拍節目，問可有三點式亮相？她說：「拍攝時冰天雪地，上雪山着咗四件衫四條褲，今次又唔使浸溫泉，所以唔使着泳衣。（浪費咗身材？）我仲未ready，呢排食好多嘢肥咗。」
文：影視組