廖碧兒發癲咀住殺人

藝人廖碧兒在男人戲為主的《無》劇表現突出，飾演劉松仁姨仔的她與羅嘉良有感情線，但之後發現胞姐的死跟羅嘉良有關時，令性格冷靜的她情緒爆發。廖碧兒直言與羅嘉良鬥戲過足戲癮：「到真正拍攝時大家情緒到晒，我癲晒拍窗，佢都發晒惡，工作人員都睇到呆咗，結果一Take搞掂。其實十幾年前我哋有合作過《當狗愛上貓》，以前我鬼妹仔中文差，但依家佢覺得我樣樣都有進步，始終多咗人生經歷，佢就愈來愈成熟有味道，又對紅酒有研究，所以大家好啱傾。」監製梁家樹盛讚廖碧兒搶眼，其中一場她與羅嘉良於車中咀嘴，但突然以刀刺男方的戲份，張力十足。