龐景峰爆郭秀雲瞞住家人佗仔

藝人郭秀雲與兒子龐景峰前晚到太古城出席電影首映禮，他還帶同23歲女友Peggy前來欣賞。訪問時，龐景峰透露稍後會拍多兩套戲，自爆叔叔錢嘉樂與父親錢小豪拍戲時沒有優待他：「我整親都唔敢同媽咪講！好似畀釘插穿手、跳樓同反車都未死得，估到媽咪知道後會講咩，但呢個始終係我興趣。」郭秀雲聽罷即嚇到眼凸凸：「我依家知喇！要打畀嘉樂先！」當記者笑他先斬後奏，龐景峰繼續語出驚人：「當年媽咪都係瞞住婆婆有我！」問到會否擔心兒子同女友搞出人命，郭秀雲說：「Peggy乖女嚟，聰明過當年嘅我！」