袁偉豪蔡思貝出拳打入內地

無綫藝人袁偉豪（Ben）與蔡思貝向來受力捧及出名搏殺，二人去年都一劇接一劇，3月亦會合作拍攝無綫的動作新劇，他倆同被王晶看中參演電影《七海蹤橫》，Ben與思貝昨日接受訪問時坦言非常期待，Ben直言喜歡拍動作片，問到想與哪位巨星合作？他說：「呢啲唔到我揀，不過都期待同影圈一線大哥學吓嘢。（有乜嘢角色想演？）想演一啲草根、弱勢社群嘅角色，同埋有關軍事嘅電影。」
蔡思貝食過夜粥，拍動作片信心十足。
蔡思貝食過夜粥，拍動作片信心十足。

之前Ben在劇集《使徒行者2》中表現出色令他在內地人氣急升，今次拍戲有助內地發展，他說：「都傾過啲大陸劇，不過唔想因為錢而急住拍，要配合公司策略一步一步嚟。」至於有武術根底的思貝對自己的敏捷度有信心，但要在鏡頭前打得靚就要苦練一番：「打得靚同好睇係另一門學問，都要練習多啲。」最近她為練習馬拉松而清減不少，笑言想肥番少少：「始終拍打戲都要有力先好睇。」

袁偉豪、蔡思貝拍住上演新片。
  • 袁偉豪、蔡思貝拍住上演新片。
袁偉豪不急於到內到賺人仔。
  • 袁偉豪不急於到內到賺人仔。