收楊明第一份禮物 莊思明激嬲「落水狗」
莊思明年半前獲男友楊明送贈第一份禮物──柴犬Haru，她謂行過寵物店時覺得Haru很得意，加上眼神和性格都令她想起已離世的芝娃娃。思明指Haru十分膽小，未曾與其他狗隻打交，反而試過遭其他狗攻擊，但依然冇「還手」。
講到與Haru相處的難忘事，思明坦言有很多：「其中一個就係佢好怕水！我帶佢去遊船河，我已經買咗救生衣畀佢着，一放佢落水就好驚，要即刻上番岸，佢嬲咗我幾個鐘，完全唔理我，叫佢都唔應，淨係黐住我啲朋友。」她又爆Haru不喜歡其姊姊莊思敏，每次見到對方都會吠個不停：「好似唔想佢喺度，但如果全屋冇晒人得番莊思敏，佢都會焗住走埋去叫佢摸吓。」
