吳業坤跪求咀戲麥明詩嫌哨牙Say No！
藝人田蕊妮、陳豪、吳業坤及麥明詩等，昨晚出席台慶劇《誇世代》結局活動。坤坤大呻雖與麥明詩最終成為一對，但卻欠缺浪漫劇情，希望下次有親熱戲，又笑指錯失欣賞麥明詩着泳衣的一幕，麥明詩搞笑說：「好在你冇份咋！驚你忍唔住！」又寸坤坤哨牙，抗拒咀嘴！
無綫台慶劇《誇世代》昨晚大結局，一眾演員到馬鞍山出席宣傳活動，包括田蕊妮、陳豪、吳業坤及麥明詩等，主角歐陽震華及李佳芯（Ali）未有出席，張繼聰則因經理人公司老闆蕭定一與無綫的風波未解決而繼續冇影。
柏拉圖式神交
劇中坤坤及麥明詩最終成為一對，但坤坤就大呻兩人戲中最多只得拖手，相反余德丞卻可看到麥明詩的泳裝Look，大嘆可惜！麥明詩即笑說：「好在（泳裝戲）你冇份咋，驚你忍唔住！我哋係柏拉圖式神交。」坤坤又投訴兩人冇咀戲，笑言下次合作想享受過程。麥明詩亦笑言想「依泣」吓，但卻抗拒與坤坤咀嘴：「佢啲牙唔齊喎，仲有哨牙添！」坤坤大呼冤枉：「唔係啩？我棚牙出名整齊，好多人問我係咪箍過牙！」麥明詩笑言想跟坤坤拍唱情歌戲，但最好不要傳緋聞。
佘詩曼免費客串
至於田蕊妮及陳豪對於長劇播畢，大感不捨，希望再約齊人食飯。問會否趁機為自己拉票爭視帝？陳豪笑說：「有咩拉咩啦！（老婆陳茵媺好撐你喎！）太太眼中我點會輸？但睇吓有冇運，畀我就要囉！」阿田則對視后獎項隨緣，問到睇好誰奪視帝？阿田說：「馬國明，我幾鍾意《降魔的》，咁陳豪當然冇得輸啦！」
提到結局中，陳豪因與Ali交換靈魂而大肚，非常破格，他笑說：「我老婆都生咗三個，我都試吓囉！男仔生仔Why Not？呢個結局係我拍劇以來最天馬行空，好多人知道後都有質疑，我就好欣賞，好有創意，肯跳出框框。」
《誇》劇結局更有視后佘詩曼驚喜現身，監製陳維冠在活動上特別多謝她：「阿佘一口應承友情客串，我問佢點計，佢話唔使計啦，免費！」
文：影視組